大頭人與小朋友 @UA 時代廣場
Monday, January 16th, 2006大頭人篇
上星期五終於都去到睇"Harry Porter"，一坐低就知道有D唔對路，因為我前面坐住一個男仔，著住件大大件羽絨褸(當日應該有21度)，個頭又大都唔止，仲要"GEL" 到個頭行一行，都唔知想點，首先我唔係針對佢，不過我真係用肉眼計過，佢個頭係足足cover 左1/6 個screen，厲利，由於"Harry Porter" 係一套長語片，所以我可以乘機練習Listening 同故事從組，因為字幕看不到，套戲就要靠自己估啦！
小朋友篇
好啦，前面的情況…算啦！套戲開始，Harry Porter一出現，右面就接著傳來一把小朋友的聲音，一望過去，原來係一位5、6歲的小朋友，心知真係不妙啦！哈哈，大家估下接著會點？那個小朋友只係認識Harry Porter一個人，所以以後每逢Harry Porter 一出現佢就會叫" Harry Porter呀！" 大約講左大概265次左右，雖然有好多人都唔係好滿意，但係唔知點解佢地個父母只係識得同個小朋友講道理，例如："你睇下幾多人望住你" 又或者 "你知唔知自己騷擾人呀？"哈哈，真係好笑，講到唔關佢地事噤，難道一個5、6歲的小朋友懂得這些嗎？如果他會知道，就唔係小朋友啦！
香港人呀，你地究竟想點呀？70元的戲飛，我想只可以享受到20元吧！
